Plantun de Prouvènço

Pèr coumpara dos planto d'encò nostre

Carex nigra & Geropogon hybridus

Queirello(-negro)

Carex nigra

Cyperaceae

Àutri noum : Moutouso, Sagneto.

Noms en français : Laîche noire, Laîche brune.

Descripcioun :
Queirello coumuno subretout en mountagno dins li relarg umide e bagna. Fai de fiéu (estouloun) dins la terro. A, en generau, un espiguet mascle en aut de l'enflourejado, e de dous à quatre espiguet femelo en dessouto. Aquéli porton de flour emé dous estigmate e d'escaumo bèn nego d'ounte ressort uno grosso costo verdo. Coumpara emé la queirello-auto que ié sèmblo proun, mai rèsto pulèu en basso Prouvènço.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 60 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Negro
Petalo : ges
Ø (o loungour) enflourejado : 5 à 8 cm
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Palun tourbous - Mueio - Prado umido - Bas-palun
Estànci : Subremediterran à Aupen
Couroulougi : Subrecousmoupoulito
Ref. sc. : Carex nigra (L.) Reichard, 1778

Sarsifi(-bastard)

Geropogon hybridus

Asteraceae Compositae

Autre noum : Salsifi.

Nom en français : Salsifis hybride.

Descripcioun :
Lou sarsifi-bastard sèmblo un pichot barbabou pèr la "flour", pamens èi mai proche d'un sarsifi emé si proumiéri fueio en lanço. Au contro d'aquésti dos planto, trachis dins l'an. Se vèi dins lis ermas e li meissoun, subretout dins noste relarg de "basso Prouvènço". Èi marcado sus la listo roujo, categourìo vulneràri : VU.

Usanço :
Dèu èstre bon en ensalado, pamens, estènt uno planto proutegido, la vau miés pas acampa.

Port : Erbo
Taio : 10 à 60 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Geropogon
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Roso
Petalo : >6
Ø (o loungour) flour : 2,5 à 4 cm
Flourido : Printèms

Sòu : Ca
Autour basso e auto : 0 à 400 m
Aparado : Noun
Mai à jun

Liò : Ermas - Meissoun - Culturo
Estànci : Termoumediterran à Mesoumediterran
Couroulougi : Estenoumediterrano
Ref. sc. : Geropogon hybridus (L.) Sch.Bip., 1844

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Carex nigra & Geropogon hybridus

ges

RRR

ges

Coumpara Queirello(-negro) emé uno autro planto

Coumpara Sarsifi(-bastard) emé uno autro planto